உணவகங்களில் பயன்படுத்தப்படும் வணிக ரீதியிலான 19 கிலோ எடையுள்ள சிலிண்டர் விலை 36 ரூபாய் உயர்ந்து ரூபாய் 1867.50 க்கு விற்கப்படுகிறது. வீடுகளுக்கு விற்பனை செய்யப்படும் சிலிண்டர் விலையில் எந்த மாற்றமும் இல்லை. மேலும் இந்திய கச்சா எண்ணெய் நிறுவனங்கள் பெட்ரோல் டீசல் மற்றும் சமையல் கியாஸ் சிலிண்டர்களை சர்வதேச சந்தையில் கச்சா எண்ணையின் விலைகளுக்கு தகுந்தவாறு ஒவ்வொரு மாதமும் மாற்றி வருகிறது. இதனையடுத்து சமையல் கேஸ் சிலிண்டர்களின் விலை நேற்று மாற்றம் செய்யப்பட்டுள்ளது.
குறிப்பாக வீடுகளுக்கு பயன்படுத்தப்படும் 14.2 கிலோ எடை உள்ள சிலிண்டர் 900.50 ரூபாய்க்கு விற்கப்படுகிறது. இதில் எந்தவித மாற்றமும் செய்யவில்லை. வணிக பயன்பாட்டிற்காக பயன்படுத்தப்படும் 19 கிலோ எடை கொண்ட சிலிண்டர்களின் விலையை மாற்றியுள்ளது. இந்த சிலிண்டர் உணவகங்கள் மற்றும் டீக்கடைகளில் பயன்படுத்தப்பட்டு வருகிறது. இந்த சிலிண்டர் ரூபாய் 36.50 உயர்ந்து ரூபாய் 1831 இல் இருந்து 1867.50 விற்பனை செய்து வருகின்றனர். இதேபோன்று 19 கிலோ சிலிண்டரில் எக்ஸ்ட்ரா டேஜ் என்ற வகை சிலிண்டர் ரூபாய் 36 உயர்ந்து ரூபாய் 1853.5இல் இருந்து ரூபாய் 1889.50 ஆக உயர்ந்துள்ளது.