திருச்சியில் வண்ணத்துப்பூச்சி தினத்தை முன்னிட்டு பல்வேறு போட்டிகள் நடத்தப்பட்டன.
தமிழ்நாடு வனத் துறை சார்பாக நேற்று (மார்ச்14) வண்ணத்துப்பூச்சி தின விழா நடைபெற்றது. திருச்சி மேலூரில் உள்ள வண்ணத்துப்பூச்சி பூங்காவில் இந்த தினத்தை முன்னிட்டு பல்வேறு போட்டிகள் நடத்தப்பட்டன. அதில் ஸ்ரீரங்கம் மேலூர் அய்யனார் மேல்நிலைப் பள்ளியை சேர்ந்த 100 மாணவ, மாணவிகள் வண்ணத்துப்பூச்சியின் முக்கியத்துவம் மற்றும் அதன் விழிப்புணர்வு ஏற்படும் வகையில் களிமண்ணில் ஆன மாதிரிகள், ஓவியப் போட்டி, கட்டுரைப்போட்டி, வினாடி வினா என பல்வேறு போட்டிகள் மாவட்ட வன அலுவலர் கிரண் மேற்பார்வையில் உதவி வனபாதுகாவலர் சம்பத்குமார், வனசரகர் சரவணகுமார் ஆகியோர் தலைமையில் நடத்தப்பட்டன. போட்டியில் வெற்றி பெற்றவர்களுக்கு பரிசுகளும் வழங்கப்பட்டன.