வந்தவாசியில் இளைஞர் திறன் பயிற்சி திருவிழா நடைபெற்றது.
திருவண்ணாமலை மாவட்டத்திலுள்ள வந்தவாசியில் இருக்கும் அரசு ஆண்கள் மேல்நிலைப் பள்ளியில் தமிழ்நாடு மாநில அரசு வாழ்வாதார இயக்கம் சார்பாக இளைஞர் திறன் பயிற்சி திருவிழா நடைபெற்றது. இந்த விழாவில் தீன் தயாள் உபாத்தியாய கிராமப்புற திறன் பயிற்சி திட்டத்தின் கீழ் வேலை வாய்ப்புடன் கூடிய தொழில் திறன் பயிற்சி பெற 500 இளைஞர்கள் தேர்வு செய்யப்பட்டிருக்கின்றார்கள்.
இவ்விழாவிற்கு மாவட்ட இயக்க மேலாண்மை அலகின் திட்ட இயக்குனர் சையத் கலைமான் தலைமை தாங்க உதவி திட்ட அலுவலர்கள் ரவிச்சந்திரன், சகாயம், வில்லியம் ஜான்சன், வட்டார மேலாளர் ஆனந்தன் ஆகியோர் இளைஞர்களை தேர்வு செய்தார்கள். மேலும் இதில் திறன் பயிற்சி பெற்று முடித்த இளைஞர்களுக்கு சான்றிதழ்கள் வழங்கப்பட்டது.