வனவிலங்கு வேட்டை.… மேலும் ஒரு நபர் கைது… வனத்துறையினர் அதிரடி.!!

டி.என் பாளையம் வனப்பகுதியில் வன விலங்குகளை வேட்டையாடிய இன்னொரு நபரையும் வனத்துறையினர் கைது செய்துள்ளனர்.

ஈரோடு மாவட்டம் டி .என் பாளையம் வனத்துறைக்கு உட்பட்ட குண்டேரிப்பள்ளம் அணை அருகில் உள்ள  வனப்பகுதியில் கடந்த 2 தினங்களுக்கு முன்பு நாட்டு துப்பாக்கியுடன் மர்ம ஆசாமிகள் சுற்றி திரிந்ததாக டி.என் பாளையம் வனத்துறையினருக்கு தகவல் வந்துள்ளது. இத்தகவலின் பேரில் அப்பகுதியில் வனத்துறையினர் ரோந்து பணியில் ஈடுபட்டிருந்தனர்.

அப்போது அங்கு சுற்றி அலையும் 2 பேரை பிடித்து விசாரித்தபோது விலங்குகளை வேட்டையாட சுற்றி வந்ததாக அவர்கள் தெரிவித்தனர். அவர்களிடமிருந்து கத்தி, நாட்டு துப்பாக்கி ஆகியவற்றை பறிமுதல் செய்தனர். அவர்கள் கொங்கர்பாளையம் பகுதியை சேர்ந்த சங்கர்(36), குமார் (25) என்று தெரியவந்தது. இவர்கள் 2 பேரும் கொடுத்த தகவலின் அடிப்படையில் வனவிலங்குகளை வேட்டையாடிய  இன்னொரு நபர் டி.என் பாளையத்தை சேர்ந்த சுப்பு(35) என்பவரையும் வனத்துறையினர் கைது செய்துள்ளனர்.