மூதாட்டியின் உடலை பெண்கள் சுமந்து சென்றனர்.
கோயம்புத்தூர் மாவட்டத்தில் உள்ள காளியப்பன் கவுண்டன் புதூர் பகுதியில் சுப்பிரமணியன் என்பவர் வசித்து வந்துள்ளார். இவருக்கு காவேரியம்மாள்(82) என்ற மனைவி இருந்துள்ளார். கடந்த 2015-ஆம் ஆண்டு உடல் நலக்குறைவு காரணமாக சுப்பிரமணியன் உயிரிழந்தார் இந்நிலையில் நேற்று வயது மூப்பு காரணமாக காவேரியம்மாளும் உயிரிழந்தார்.
பொதுவாக இறந்தவர்களின் உடலை ஆண்கள் சுமந்து சென்று அடக்கம் செய்வது வழக்கம். இந்நிலையில் காவேரியம்மாவின் உடலை பெண்கள் சுமந்து ஊரை சுற்றி வந்து கோவை அரசு மருத்துவக் கல்லூரி மருத்துவமனைக்கு தானமாக வழங்கியுள்ளனர். சுப்பிரமணியனின் உடலும் கோவை அரசு மருத்துவக் கல்லூரி மருத்துவமனைக்கு தானமாக வழங்கப்பட்டது குறிப்பிடத்தக்கதாகும்.