வயலில் வேலை பார்த்து கொண்டிருந்த தொழிலாளியை பாம்பு கடித்து உயிரிழந்த சம்பவம் அப்பகுதியில் சோகத்தை ஏற்படுத்தியுள்ளது.
நாமக்கல் மாவட்டம் எருமப்பட்டி அருகே உள்ள கைகாடு பகுதியில் சேகர்(56) என்பவர் வசித்து வந்துள்ளார். இவர் சம்பவத்தன்று மாலை தனது தோட்டத்தில் இருந்த கிணற்றில் இருந்து தண்ணீர் எடுத்து வயலுக்கு பாய்ச்சி கொண்டிருந்தார். அப்போது அங்கு வந்த பாம்பு திடீரென சேகரை கடித்துள்ளது.
இதனை பார்த்து அதிர்ச்சியடைந்த அவர் தனது மகனுக்கு தகவல் தெரிவித்துவிட்டு அங்கேயே மயங்கி கீழே விழுந்துள்ளார். தகவலறிந்து சென்ற சேகரின் மகன் உடனடியாக அவரை மீட்டு நாமக்கல் அரசு மருத்துவமனைக்கு அழைத்து சென்றுள்ளார். அங்கு பரிசோதனை செய்த மருத்துவர்கள் சேகர் ஏற்கனவே உயிரிழந்து விட்டதாக தெரிவித்துள்ளனர். இச்சம்பவம் குறித்து எருமப்பட்டி போலீசார் வழக்குபதிவு செய்து விசாரித்து வருகின்றனர்.