வயிறு கோளாறு சம்பந்தப்பட்ட அனைத்து பிரச்சினைகளையும் தீர்க்க இந்த மிளகு பாசிப்பருப்பு சூப்பை ஒருமுறை செய்து கொடுங்கள். நல்ல பலன் கிடைக்கும்.
தேவையானவை:
ஊற வைத்த பாசிப்பருப்பு – 100 கிராம்.
மிளகு – ஒரு டீஸ்பூன்.
பிரியாணி இலை – 2.
வெங்காயம் – 2.
நறுக்கிய கேரட் – கால் கப்.
சீரகம், மிளகுத்தூள் – தலா அரை டீஸ்பூன்.
மஞ்சள்தூள் – ஒரு சிட்டிகை.
மிளகாய்த்தூள் – அரை டீஸ்பூன்.
கறிவேப்பிலை, கொத்தமல்லி – சிறிதளவு.
எண்ணெய், உப்பு – 1 ஸ்பூன்.
செய்முறை:
* கடாயில் எண்ணெய் விட்டு சீரகம், மிளகு, பிரியாணி இலை தாளிக்கவும்.
* நறுக்கிய வெங்காயம், கேரட், ஊற வைத்த பாசிப்பருப்பு சேர்த்து நன்கு வதக்கியவுடன், எல்லா தூள்களையும் ஒவ்வொன்றாகச் சேர்த்துக் கலந்து தண்ணீர் சேர்த்துக் கொதிக்க விடவும்.
* கடைசியாக இறக்குவதற்கு முன் நறுக்கிய கொத்தமல்லி, கறிவேப்பிலை, உப்பு சேர்த்து ஒரு முறை கொதிக்க வைத்து இறக்கி சூடாகப் பரிமாறவும்.
குறிப்பு: வயிறு மந்தம் சம்பந்தபட்ட பிரச்னைகளைத் தவிர்ப்பதற்கு இதை அருந்தலாம்.