அமெரிக்கா, கனடா, ஐரோப்பியா போன்ற பல்வேறு மேற்கத்திய நாடுகளில் கடுமையான குளிர் நிலவி வருகிறது. அதிலும் குறிப்பாக அமெரிக்கா கடந்த சில நாட்களாக வரலாறு காணாத அளவு பனிப்பொழிவை சந்தித்துள்ளது. கிறிஸ்துமஸ் பண்டிகை புத்தாண்டு பண்டிகைகளுக்கான விடுமுறை அறிவிக்கப்பட்டு இருக்கின்ற நிலையில் இது போன்ற கடுமையான பனிப்பொழிவு மக்களின் இயல்பு வாழ்க்கையை பெரிதும் பாதித்துள்ளது. மேலும் பனி பொலிவுடன் சேர்ந்து பனிபுயலும் வீசி வருகிறது.
இந்நிலையில் நியூயார்க்கின் சில பகுதிகளில் நேற்று ஒரே நாளில் மட்டும் 23 சென்டிமீட்டர் பனி பொழிந்துள்ளது. இந்த கடுமையான பனி புயல் காரணமாக அமெரிக்காவில் மொத்தம் 15 ஆயிரத்திற்கும் மேற்பட்ட விமானங்கள் ரத்து செய்யப்பட்டுள்ளது. அதே சமயம் இந்த பனிப்புயல் மற்றும் பனியால் ஏற்பட்ட விபத்து தொடர்பாக இதுவரை 60 பேர் உயிரிழந்துள்ளனர். மேலும் பனிப்புயல் அதிகரித்து பனிப்பொழிவு அதிகரிக்கும் என வானிலை ஆய்வு மையம் கூறியுள்ளது. இதனால் தேவையான நடவடிக்கைகளை அரசு துரிதப்படுத்தி வருவது குறிப்பிடத்தக்கதாகும்.