பிரபல தொகுப்பாளினி நக்ஷத்திரா தனது வருங்கால கணவரின் பிறந்தநாளை கேக் வெட்டி கொண்டாடியுள்ளார்.
சன் தொலைக்காட்சியில் பல சூப்பர் ஹிட் நிகழ்ச்சிகளை தொகுத்து வழங்கி பிரபலமடைந்தவர் நக்ஷத்திரா . இவர் வாயை மூடி பேசவும், சேட்டை உள்ளிட்ட சில திரைப்படங்களில் முக்கிய கதாபாத்திரத்தில் நடித்து அசத்தியுள்ளார் . மேலும் இவர் சில குறும் படங்களிலும் நடித்துள்ளார். இதையடுத்து இவர் சன் தொலைக்காட்சியில் ஒளிபரப்பான லக்ஷ்மி ஸ்டோர்ஸ் சீரியலில் கதாநாயகியாக நடித்திருந்தார் . இந்த சீரியல் ரசிகர்களிடையே நல்ல வரவேற்பை பெற்றிருந்தது. சமீபத்தில் நக்ஷத்திரா ராகவ் என்பவரை திருமணம் செய்து கொள்ளப் போவதாக தனது சமூக வலைதளப் பக்கத்தில் தெரிவித்திருந்தார்.
இதை தொடர்ந்து இவர்களது நிச்சயதார்த்த புகைப்படங்கள் மற்றும் வீடியோக்கள் வெளியாகி இணையத்தில் வைரலானது . விரைவில் ராகவ்- நக்ஷத்திரா திருமணம் நடைபெற உள்ளது. இந்நிலையில் நக்ஷத்திரா தனது வருங்கால கணவரின் பிறந்த நாளுக்கு கேக் வெட்டி சர்ப்ரைஸ் கொடுத்துள்ளார். மேலும் பிறந்த நாள் கொண்டாட்டத்தின் போது எடுக்கப்பட்ட புகைப்படங்கள் மற்றும் வீடியோக்களை நக்ஷத்திரா தனது சமூக வலைதளப் பக்கத்தில் வெளியிட்டுள்ளார். தற்போது இந்த அழகிய புகைப்படம் இணையத்தில் வைரலாகி வருகிறது.