இளம் பெண் ஒருவரை 3 மர்ம நபர்கள் சேர்ந்து துப்பாக்கியால் சுட்டு கொன்ற சம்பவம் பரபரப்பை ஏற்படுத்தியுள்ளது.
ஹரியானா மாநிலம் Grugram பகுதியை சேர்ந்தவர் பூஜா சர்மா (26). இவர் தனியார் நிறுவனம் ஒன்றில் வேலை பார்த்து வந்துள்ளார். இந்நிலையில் சம்பவத்தன்று தன்னுடைய வருங்கால கணவருடன் பூஜா ஹோட்டலுக்கு சென்றுள்ளார். இதையடுத்து இருவரும் காரில் வீடு திரும்பி கொண்டிருந்த போது, காரை வழிமறித்த மூன்று மர்ம நபர்கள் பூஜாவை துப்பாக்கியால் சுட்டுவிட்டு தப்பித்து சென்றுள்ளனர். இதனால் அதிர்ச்சியடைந்த பூஜாவின் வருங்கால கணவர், காயமடைந்த பூஜாவை மருத்துவமனைக்கு கொண்டு சென்றுள்ளார்.
அனால் பூஜா சிகிச்சை பலனின்றி பரிதாபமாக உயிரிழந்துள்ளார். இந்த சம்பவம் குறித்து காவல்துறையினர் வழக்கு பதிவு செய்து பல நாட்கள் ஆகிய நிலையில், சம்பவம் நடந்த இடத்தில கண்காணிப்பு கேமரா வேலை செய்யாததால் குற்றவாளிகளை கண்டுபிடிக்க முடியாமல் திணறி வருவதாக தகவல்கள் வெளியாகியுள்ளன. இருப்பினும் காவல்துறையினர் குற்றவாளிகளை கண்டுபிடிக்கும் முயற்சியில் தொடர்ந்து ஈடுபட்டு வருகின்றனர்.