நடிகை கீர்த்தி சுரேஷ் நாயகியாகவும் இயக்குனர் செல்வராகவன் நாயகனாகவும் நடிக்கும் ‘சாணிக் காயிதம்’ திரைப்படத்தின் போஸ்டர் வெளியாகியுள்ளது.
தமிழ் திரையுலகில் தனுஷ் ,சூர்யா ,கார்த்தி போன்ற முன்னணி ஹீரோக்களின் பல வெற்றிப்படங்களை உருவாக்கிய இயக்குனர் செல்வராகவன். தற்போது இவர் இயக்கத்தில் மன்னவன் வந்தானடி , நெஞ்சம் மறப்பதில்லை ஆகிய திரைப்படங்கள் தயாராகி வருகின்றது . இந்நிலையில் இயக்குனர் செல்வராகவன் சாணிக் காயிதம் திரைப்படத்தில் நாயகனாக அறிமுகமாகிறார். இந்த திரைப்படத்தில் கதாநாயகியாக கீர்த்தி சுரேஷ் நடிக்கிறார். இந்தப் படத்தை இயக்குனர் அருண் மாதேஸ்வரன் இயக்குகிறார்.
இந்நிலையில் சாணிக் காயிதம் திரைப்படத்தின் போஸ்டரை சமூக வலைதளங்களில் நடிகர் தனுஷ் வெளியிட்டுள்ளார். இந்த போஸ்டர் ரசிகர்களிடையே வைரலாகி வருகிறது . போஸ்டரில் கீர்த்தி சுரேஷ், செல்வராகவன் வறுமையில் வாடிய முகத்தோடு, வித்தியாசமான தோற்றத்தில் இருப்பதாக பலர் பாராட்டியுள்ளனர். இதனால் படத்திற்கு ரசிகர்களிடையே பெரும் எதிர்பார்ப்பு ஏற்பட்டுள்ளது.