இயக்குனர் ஹெச். வினோத் அடுத்ததாக இயக்கும் படத்தில் விஜய் சேதுபதி நடிக்க இருப்பதாக தகவல் வெளியாகியுள்ளது.
தமிழ் திரையுலகில் சதுரங்கவேட்டை படத்தின் மூலம் இயக்குனராக அறிமுகமானவர் ஹெச்.வினோத். இதை தொடர்ந்து இவர் இயக்கத்தில் கார்த்தி நடிப்பில் வெளியான தீரன் அதிகாரம் ஒன்று படம் சூப்பர் ஹிட் அடித்தது. இதன்பின் இவர் இயக்கத்தில் அஜித் நடிப்பில் நேர்கொண்ட பார்வை படம் வெளியாகியிருந்தது. தற்போது ஹெச்.வினோத் இயக்கத்தில் அஜித் நடிப்பில் வலிமை திரைப்படம் உருவாகியுள்ளது.
இந்த படம் அடுத்த ஆண்டு பொங்கலுக்கு வெளியாக உள்ளது. மேலும் அஜித்தின் 61-வது படத்தையும் ஹெச்.வினோத் தான் இயக்க உள்ளார் என்பது குறிப்பிடத்தக்கது. இந்நிலையில் தல 61 படத்தை முடித்த பின் ஹெச்.வினோத் விஜய் சேதுபதி நடிக்கும் படத்தை இயக்க இருப்பதாக தகவல் வெளியாகியுள்ளது. விரைவில் இதுகுறித்த அறிவிப்புகள் வெளியாகும் என எதிர்பார்க்கப்படுகிறது.