தமிழகத்தில் கடந்த ஆண்டு மார்ச் மாதம் கொரோனா அச்சுறுத்தல் காரணமாக ஊரடங்கு அமல்படுத்தப்பட்டது. அப்போது பலத்த கட்டுப்பாடுகள் விதிக்கப்பட்டன. அதன்பிறகு கொரோனா பாதிப்பு சற்று குறைந்த நிலையில் ஊரடங்கு தளர்வு களை தமிழக அரசு அறிவித்து வந்தது. ஆனால் தமிழகத்தில் மீண்டும் கொரோனா பாதிப்பு தற்போது புதிய உச்சத்தை தொட்டுள்ளதால், இரவு நேர ஊரடங்கு உள்ளிட்ட பல கட்டுப்பாடுகள் விதிக்கப்பட்டுள்ளன.
இந்நிலையில் கொரோனா பரவல் காரணமாக வலிமை படத்தின் ஃபர்ஸ்ட் லுக் போஸ்டர் வெளியீடு ஒத்திவைக்கப்படுவதாக தயாரிப்பாளர் போனி கபூர் அறிவித்திருந்தார். இதனையடுத்து யுவன் சங்கர் ராஜா இசையில் வரும் இப்படத்தில் 4 பாடல்கள் அருமையாக வந்துள்ளதாக தகவல் வெளியாகியுள்ளது. விசுவாசம் படத்தில் கண்ணான கண்ணே பாடல் ஹிட்டுக்கு பிறகு அஜித் மெலடிகளை ரசிக்கத் தொடங்கி உள்ளதால், வலிமையில் மூன்று பாடல்கள் மெலடியாக உருவாகியுள்ளதாகவும் கூறப்படுகிறது.