தமிழ் திரையுலகில் முன்னணி கதாநாயகனாக வலம் வரும் அஜித்துக்கு ஏராளமான ரசிகர்கள் உள்ளனர் . தற்போது இவர் ஹெச்.வினோத் இயக்கத்தில் வலிமை படத்தில் நடித்து வருகிறார் . இந்த படத்தில் ஹூமா குரேஷி கதாநாயகியாக நடிக்கிறார். மேலும் போனி கபூர் தயாரிக்கும் இந்த படத்திற்கு யுவன் சங்கர் ராஜா இசையமைக்கிறார் . வலிமை படத்தின் பெரும்பாலான படப்பிடிப்புகள் நிறைவடைந்து விட்டது. இன்னும் மீதமுள்ள ஒரு சண்டைக் காட்சியை அடுத்த மாதம் படமாக்க படக்குழு திட்டமிட்டுள்ளது.
இந்நிலையில் வலிமை படத்தின் ஃபர்ஸ்ட் லுக் போஸ்டர் நாளை மறுநாள் (வியாழக்கிழமை) அல்லது அடுத்த வாரம் வியாழக்கிழமை வெளியாகும் என்று தகவல் வெளியாகியுள்ளது. இதனையடுத்து அஜித், கோவில் ஒன்றில் தரிசனம் செய்யும் போது எடுக்கப்பட்ட புகைப்படங்கள் சமூக வலைத்தளங்களில் வெளியாகி வைரலாகி வருகிறது.