எச் வினோத் இயக்கத்தில் அஜித் நடிக்கும் வலிமை படத்தின் விசில் தீம் கடந்த டிசம்பர் 22ஆம் தேதி வெளியானது. இதனை தொடர்ந்து நேற்று இந்த படத்தின் டிரைலர் வெளியாகி ரசிகர்களிடையே பெரும் வரவேற்பை பெற்றது. இந்த படத்திற்கு யுவன் சங்கர் ராஜா இசையமைத்துள்ளார். போனி கபூர் இந்தப் படத்தை தயாரித்துள்ளார். இதில் கார்த்திகேயா, நடிகை ஹூமா குரேஷி, யோகி பாபு, ராஜ் ஐயப்பா உள்ளிட்ட பல நடிகர்கள் நடிக்கின்றனர்.
இந்த படம் தற்போது ஜனவரி 13ஆம் தேதி திரையரங்குகளில் வெளியாக உள்ளதாக தகவல் கிடைத்துள்ளது. மேலும் இந்த படத்திற்கு தணிக்கை குழு U/A சான்றிதழ் வழங்கியுள்ளது. நேற்று வெளியான இப்படத்தின் டிரைலர் பல சாதனைகளை படைத்து வரும் நிலையில், பொங்கல் விருந்தாக ஜனவரி 13-ஆம் தேதி தியேட்டரில் இந்தப் படம் வெளியாக உள்ளதால் ரசிகர்கள் மிகுந்த மகிழ்ச்சியில் உள்ளனர்.