சீனாவுடனான எல்லை பதற்றம் நாளுக்கு நாள் அதிகரித்து வருகின்ற நிலையில் மேலும் மூன்று ரஃபேல் போர் விமானங்கள் இந்திய விமானப்படையில் இணையயை இருக்கிறது. கிழக்கு லடாக்கில் சீனாவிற்கும் இந்தியாவிற்குமான எல்லையில் பதற்றம் நாளுக்கு நாள் அதிகரித்துக் கொண்டிருக்கிறது.
இந்த நிலையில் நவம்பர் 5ஆம் தேதி இந்தியா மேலும் மூன்று ரஃபேல் போர் விமானங்களை பெற இருக்கின்றது. பிரெஞ்சு நிறுவனமான டசால்ட் ஏவியேசன் உருவாக்கிய 17 ரபேல் போர் விமானங்களை ஜூலை 29 மற்றும் செப்டம்பர் 10ஆம் தேதிகளில் இந்தியா பெற்று அம்பலா விமான தளத்தில் உள்ள விமானப்படையில் இணைத்துள்ளது.
மொத்தம் 59 ஆயிரம் கோடி ரூபாய் செலவில் 36 ரஃபேல் ஜெட் விமானங்களை வாங்க இந்தியா மற்றும் பிரான்ஸ் அரசாங்கங்களுக்கு இடையே ஒப்பந்தம் கையெழுத்தாகி இருக்கிறது. 4.5 ஜெனரேஷன் விமானங்களில் ஹேமர் ஏவுகணைகள் பொருத்தப்பட்டிருக்கின்றன என்பது குறிப்பிடத்தக்கதாகும்.
மேலும் ஐந்து ரஃபேல் ஜெட் விமானங்கள் வான்படையில் சேர்க்கப்பட்ட பின் பாதுகாப்பு மந்திரி ராஜ்குமார் இது முழு உலகிற்கும் ஒரு பெரிய மற்றும் கடுமையான செய்தி. அதிலும் குறிப்பாக நமது இறையாண்மையில் கண் வைத்திருப்பவர்களுக்கு என்று அறிவித்துள்ளார். இந்தியா ஜனவரியில் மேலும் மூன்று ரஃபேல் விமானங்களையும் மார்ச் மாதத்தில் மேலும் மூன்று ரஃபேல் விமானங்களையும் ஏப்ரல் மாதத்தில் மேலும் 7 ஏவுகணைகளையும் பெறும் என எதிர்பார்க்கப்படுகின்றது.