இந்திய அரசியல் சாசன தினமாக இன்று கடைபிடிக்கப்படுகிறது. அரசியலமைப்பு தினத்தை முன்னிட்டு பிரதமர் மோடி கூறியதாவது, காலனித்துவ மனநிலை பல்வேறு பிரச்சனைகளுக்கு வழிவகுக்கிறது. வளரும் நாடுகளின் வளர்ச்சி பயணத்தில் போடப்படும் தடைகள் தான் இதற்கு தெளிவான உதாரணம். வளர்ந்த நாடுகள் தாங்கள் வளர்ச்சி பெறுவதற்காக உருவாக்கிய பாதைகள் வளரும் நாடுகளுக்கு மூடப்படுகிறது.
வளர்ந்த நாடுகள் தான் கார்பன் வெளியேற்றத்தில் அதிக பங்களிப்பை செய்துள்ளன. அமெரிக்கா மற்றும் ஐரோப்பிய நாடுகளில் கார்பன் வெளியேற்றம் 11 மடங்கு அதிகமாக உள்ளது. இந்த நோக்கத்திற்காக சுற்றுச்சூழல் பிரச்சினையையும் அபகரிக்கும் முயற்சி நடந்துள்ளது.
இதற்கான உதாரணத்தை அண்மையில் நடைபெற்ற காலநிலை மாற்றம் குறித்த மாநாட்டில் நாம் பார்க்கலாம். இந்தியா 1850 முதல் இன்றைய தேதி வரை வெளியிட்ட கார்பன் வெளியேற்றத்தை விட 15 மடங்கு அதிகமாக வளர்ந்த நாடுகள் தான் கார்பனை வெளியிட்டுள்ளனர் என்று அவர் குறிப்பிட்டுள்ளார்.