சிம்பு நடிப்பில் ஏஆர்.ரகுமான் இசையில், கௌதம் வாசுதேவ் மேனன் இயக்கத்தில் உருவாகியுள்ள படம் வெந்து தணிந்தது காடு. இந்தப் படத்தின் படப்பிடிப்பு நீண்டு கொண்டே செல்கிறது என விமர்சனங்கள் எழுந்த நிலையில் படத்தின் படப்பிடிப்பு நிறைவடைந்துள்ளதாக படக்குழு தற்போது தெரிவித்துள்ளது.
தற்போது போஸ்ட் புரொடக்ஷன்ஸ் பணிகள் விறுவிறுப்பாக நடைபெற்று வருகின்றன. தமிழ்நாட்டில் உள்ள கிராமம் ஒன்றில் வசிக்கும் இளைஞனின் வாழ்க்கையை சித்தரிக்கும் காட்சிகள் படத்தில் உள்ளன. ஆக்ஷன் திரில்லர் ஆக படம் உருவாக்கப்பட்டுள்ளது. இப்படத்தில் சிலம்பரசன் டி.ஆரின் காதலியாக சித்தி இதானி நடிக்கிறார். நீரஜ் மாதவ் (ஃபேமிலி மேன் புகழ்), ராதிகா சரத்குமார் மற்றும் இன்னும் பல முக்கிய நடிகர்கள் இணைந்து நடித்திருக்கிறார்கள். திரைப்படம் எப்போது வெளியாகும் என்று ரசிகர்கள் அனைவரும் மிகுந்த எதிர்பார்ப்பில் உள்ளனர்.