தமிழகத்தில் கடந்த ஏப்ரல் 6-ஆம் தேதி நடந்து முடிந்த சட்டமன்ற தேர்தலில் வாக்கு எண்ணிக்கை கடந்த மே இரண்டாம் தேதி நடைபெற்றது. அதில் பெரும்பான்மையான தொகுதிகளில் திமுக வெற்றி பெற்றது. இதனை அடுத்து தமிழகத்தின் முதல்வராக திமுக தலைவர் ஸ்டாலின் மே 7-ஆம் தேதி பொறுப்பேற்கிறார். கொரோனா காரணமாக ஆளுநர் மாளிகையில் மிக எளிமையான முறையில் பதவி ஏற்பு விழா நடைபெற உள்ளது. இதனையடுத்து நேற்று முதலே ஸ்டாலின் தனது முதல்வர் பணிகளை செய்யத் தொடங்கியுள்ளார்.
இந்நிலையில் தமிழக முதல்வராக பொறுப்பேற்க உள்ள ஸ்டாலினுக்கு ஏ ஆர் ரகுமான் தனது வாழ்த்துக்களை தெரிவித்துள்ளார். இதற்கு ஸ்டாலின், “தமிழக மக்கள் சார்பில் தாங்கள் வைத்துள்ள நம்பிக்கையை நிறைவேற்றிடும் வகையில் புதிய அரசு செயல்படும்” என்று பதிலளித்திருந்தார். இதற்கு ஏ ஆர் ரகுமான், “கொரோனா பாதிப்பால் அல்லல்படும் தமிழர்களுக்கு இது, தேன்போல இனித்திடும் வாக்குறுதி. இந்த வாக்குறுதி பறித்திட எல்லாம் வல்ல இறைவனை வேண்டுகிறேன் என கூறியுள்ளார்.