சார்பட்டா பரம்பரை பட நடிகர் ஜான் கொக்கன் தனது சமூக வலைதளப் பக்கத்தில் பதிவு ஒன்றை வெளியிட்டுள்ளார்.
தமிழ் திரையுலகில் பிரபல இயக்குனர் பா.ரஞ்சித் இயக்கத்தில் ஆர்யா நடிப்பில் உருவான சார்பட்டா பரம்பரை திரைப்படம் ஓடிடியில் ரிலீஸாகி நல்ல வரவேற்பை பெற்றது. இந்த படத்தில் துஷாரா விஜயன், பசுபதி, ஷபீர், ஜான் கொக்கன், கலையரசன் உள்ளிட்ட பலர் முக்கிய கதாபாத்திரங்களில் நடித்திருந்தனர். கடந்த சில தினங்களாக இந்த படத்தில் கபிலனாக நடித்த ஆர்யாவும், ரங்கர் வாத்தியாராக நடித்த பசுபதியும் சைக்கிளில் போகும் காட்சியை வைத்து ஏராளமான மீம்ஸ்கள் உருவாகி வருகிறது. மேலும் இந்த மீம்ஸ்கள் மிகப்பெரிய அளவில் இணையத்தில் வைரலாகி வருகிறது .
Vaanga Vaathiyaare @GMSundar_ ……naamalum koode ooru sutthi varalaam.
வாங்கோ வாத்தியாரே நாமளும் ஊர சுத்தி வரலாம்!!!@Music_Santhosh @arya_offl @beemji @officialneelam @K9Studioz
Please watch #sarpattaonprime Streaming on @primevideoin pic.twitter.com/Su5YdbQHxG
— John Kokken (@highonkokken) August 10, 2021
இந்நிலையில் இதற்கு போட்டியாக இந்த படத்தில் வேம்புலி கேரக்டரில் நடித்த ஜான் கொக்கன் தனது சமூக வலைதளப் பக்கத்தில் பதிவு ஒன்றை வெளியிட்டுள்ளார். அதில் ஜான் கொக்கனும், அவரது வாத்தியாராக நடித்த ஜி.எம்.சுந்தர் இருவரும் சைக்கிளில் செல்வது போன்ற புகைப்படத்தை பதிவிட்டு ‘வாங்கோ வாத்தியாரே நாமளும் ஊரை சுத்தி வரலாம்’ என பதிவிட்டுள்ளார். சார்பட்டா பரம்பரை படத்தில் மோதிக்கொண்ட சார்பட்டா பரம்பரையும், இடியாப்ப பரம்பரையும் தற்போது மீம்ஸ்களிலும் மோதிக்கொள்வது நகைச்சுவையின் உச்சகட்டமாக உள்ளது குறிப்பிடத்தக்கது.