செய்தியாளர்கள் சந்திப்பில் பேசிய அண்ணாமலை தனக்கு ரபேல் விமானத்தை ஓட்டும் வாய்ப்பு தான் கிடைக்கவில்லை. அதன் காரணமாக தன் உடம்பில் உயிர் இருக்கும் வரை ரஃபேல் விமானத்தின் உதிரி பாகங்களால் செய்யப்பட்ட கைக்கடிகாரம் தன்னுடைய உடம்பில் இருக்கும் என்று கூறினார். இந்த கைக்கடிகாரத்தின் விலை 5 லட்சத்துக்கு மேல் இருக்கும் என்று கூறப்படுகிறது. இதனை அடுத்து அண்ணாமலை வாட்ச் பற்றிய விவகாரம் தான் தற்போது அரசியல் வட்டாரத்தில் முக்கியத்துவம் வாய்ந்த ஒன்றாக பேசப்பட்டு வருகிறது.
இந்நிலையில் அண்ணாமலை ரஃபேல் வாட்ச் குறித்த விவரத்தை வெளியிட தயாரா என அமைச்சர் செந்தில் பாலாஜி கேள்வி எழுப்பியிருந்தார். இந்நிலையில், ஒரு சாமானிய மனிதனிடம் ஆட்சியில் இருப்பவர்கள் பில் கேட்கிறார்கள் என அண்ணாமலை தெரிவித்துள்ளார். நான் சம்பாதித்தது, செலவு செய்தது எவ்வளவு என ஏப்ரல் மாதம் வெளிப்படையாக வெளியிடுகிறேன். அதேபோல் முதல்வர், அவர் குடும்பம், அமைச்சர்களின் சொத்து விவரங்களை வெளியிடுவேன் என்றார்.