ரபேல் வாட்ச் விவகாரத்தை வைத்தே பாஜக 25 எம்பிக்களை வெல்லும் என அண்ணாமலை நம்பிக்கை தெரிவித்தார்.
செய்தியாளர்கள் சந்திப்பில் பேசிய அண்ணாமலை தனக்கு ரபேல் விமானத்தை ஓட்டும் வாய்ப்பு தான் கிடைக்கவில்லை. அதன் காரணமாக தன் உடம்பில் உயிர் இருக்கும் வரை ரஃபேல் விமானத்தின் உதிரி பாகங்களால் செய்யப்பட்ட கைக்கடிகாரம் தன்னுடைய உடம்பில் இருக்கும் என்று கூறினார். இந்த கைக்கடிகாரத்தின் விலை 5 லட்சத்துக்கு மேல் இருக்கும் என்று கூறப்படுகிறது. இதனை அடுத்து அண்ணாமலை வாட்ச் பற்றிய விவகாரம் தான் தற்போது அரசியல் வட்டாரத்தில் பெரும் பூதாகரமாக வெடித்துள்ளது.
வாட்ச் வாங்கியதற்கான பில்லை வெளியிடுமாறு அண்ணாமலை மீது விமர்சனங்கள் எழுந்துள்ளது. இந்நிலையில், செய்தியாளர்களை சந்தித்த அவர், ரபேல் வாட்ச் மூலம் ஊழல் பேசு பொருளாக மாறியுள்ளது. இதன் தொடர்ச்சியாக பொதுமக்கள் திமுகவின் ஊழலை புகார் செய்ய விரைவில் வெப்சைட் உருவாக்க உள்ளோம் என்று கூறினார்.