உலகம் முழுவதுமே பில்லியன் கணக்கான மக்கள் வாட்ஸ் அப்பை பயன்படுத்தி வருகிறார்கள். மேலும் பயனர்களுடைய வசதிக்காக whatsapp பல்வேறு சேவைகளையும், அப்டேட்டுகளையும் வழங்கி வருகிறது. கல்வி, தொழில், பண பரிமாற்றும் முதலான அனைத்து தேவைகளுக்கும் whatsapp பயன்படுத்தப்பட்டு வருகிறது.
இந்த நிலையில் வாட்ஸ்அப்பில் வீடியோ கால் பேசும்போது, மற்ற ஆப்ஸ் பயன்படுத்தும் புதிய அம்சத்தை கொண்டு வந்துள்ளதாக WABetaInfo தெரிவித்துள்ளது. தற்போது, இந்த அம்சம் iOS 16.1 அல்லது அதற்கு மேல் இயங்கும் ஐபோன்களில் மட்டுமே உள்ளது. மேலும், இந்த வசதி அனைவருக்கும் விரைவில் வழங்கப்படும் என்று தெரிவிக்கப்பட்டு உள்ளது. மேலும், மெட்டா நிறுவனம் வாட்ஸ்அப்பில் தொடர்ந்து பல வசதிகளை அறிமுகம் செய்து வருவது குறிப்பிடத்தக்கது.