உலகம் முழுவதும் கோடி கணக்கான பயனர்கள் whatsapp செயலியை பயன்படுத்தி வருகின்றனர். அதனால் whatsapp நிறுவனம் அவ்வபோது தனது பயனர்களுக்கு புதிய அப்டேட்டுகளை வழங்கி வருகிறது. அவ்வகையில் இனி ஆயிரத்திற்கும் மேற்பட்ட நபர்களை குரூப்பில் சேர்க்க முடியும். அதே சமயம் புது அப்டேட் ஆக communities என்ற வசதியும் கொண்டுவரப்பட்டுள்ளது. அதன் மூலமாக பல குரூப்களை ஒன்றிணைக்க முடியும். தகவல் தொடர்பும் இன்னும் எளிதாகும். இதனைத் தொடர்ந்து ஒரே நேரத்தில் 32 நபர்களுடன் வீடியோ கால் செய்ய முடியும்.
இந்நிலையில் புதிய அப்டேட்டாக இனி நீங்கள் அனுப்பிய மெசேஜை எளிதாக எடிட் செய்யலாம் .அதாவது நீங்கள் ஒருவருக்கு மெசேஜ் அனுப்பிய 15 நிமிடங்களுக்குள் அதனை எடிட் மெசேஜ் ஆப்ஷனை பயன்படுத்தி எடிட் செய்து கொள்ள முடியும். நீங்கள் அனுப்பும் மெசேஜில் எடிட் என்று குறிப்பிட்டு காட்டப்படும். இந்த வசதி தற்போது ஐபோன் whatsapp யூசர்களுக்கு மட்டுமே வழங்கப்படும் என தகவல் வெளியாகி உள்ளது. அதன் பிறகு நாளடைவில் அனைத்து ஆண்ட்ராய்டு பயனர்களுக்கும் வழங்கப்படும் என எதிர்பார்க்கப்படுகிறது.