வாட்ஸ் அப்பில் புதிய அப்டேட்களை மெட்டா நிறுவனம் அறிமுகப்படுத்த உள்ளதாக தகவல் வெளியாகி உள்ளது.
உலக அளவில் தகவல்களை பரிமாறிக் கொள்ள உதவும் முதன்மையான செயலியாக வாட்ஸ் அப் உள்ளது. எனவே உலகம் முழுவதும் பில்லியன் கணக்கிலான மக்கள் வாட்ஸ் அப்பை பயன்படுத்தி வருகின்றனர். இதில் வெறும் குறுச்செய்திகள் மட்டுமின்றி, வீடியோ, வாய்ஸ், டெக்ஸ்ட் சேட் உள்ளிட்ட பல்வேறு வசதிகள் மற்றும் தனிநபர் மட்டுமல்லாது குழுவிலும் செய்திகளை பரிமாறிக்கொள்ளும் வசதிகள் உள்ளது.
இந்நிலையில் மெட்டா நிறுவனத்தின் வாட்ஸ்-அப் செயலியில், 2 ஜிபி அளவுள்ள கோப்புகளை அனுப்பும் வசதி விரைவில் அறிமுகமாக உள்ளது. அதன்படி இந்த செயலியில் எழுத்துக்கள் வடிவிலும் மற்றும் வீடியோ, ஆடியோ வடிவிலும் உரையாடல்கள் நடைபெறும் நிலையில், குறைந்த அளவிலான கோப்புகளை மட்டுமே அனுப்பும் வசதி உள்ளது.
இதையடுத்து ஃபேஸ்புக்கைப் போலவே கவர் இமேஜ் வைத்துக்கொள்ளும் வசதியை மெட்டா நிறுவனம், வாட்ஸ் அப்பில் அறிமுகப்படுத்த முயன்று வருவதாக தகவல்கள் வெளியாகியுள்ளன. இவ்வாறு அறிமுகமாக உள்ள இந்த புதிய வசதியினை அர்ஜென்டினாவில், முதற்கட்டமாக அறிமுகப்படுத்தி பரிசோதிக்கப்பட உள்ளதாக தகவல் வெளியாகியுள்ளது.