வாணியம்பாடி அருகே 1 1/2 டன் ரேஷன் அரிசி பறிமுதல் செய்யப்பட்டது.
திருப்பத்தூர் மாவட்டத்தில் உள்ள வாணியம்பாடி அருகே இருக்கும் திம்மாம்பேட்டை-கொல்லப்பள்ளி செக்போஸ்ட் பகுதியில் பல மணி நேரமாக புதுச்சேரி பதிவு எண் கொண்ட கார் ஒன்று நின்றுக் கொண்டிருப்பதாக வாணியம்பாடி வருவாய் கோட்டாச்சியர் காயத்ரி சுப்பிரமணிக்கு தகவல் கிடைத்ததன் பேரின் சம்பவ இடத்திற்கு சென்று வட்ட வழங்கல் அலுவலர் சிலம்பரசன் தலைமையிலான அதிகாரிகள் காரை சோதனை இட்டார்கள். இதில் 500 கிலோ ரேஷன் அரிசி இருந்தது தெரிய வந்தது.
இதை அடுத்து காருடன் ரேஷன் அரிசியை பறிமுதல் செய்து தமிழ்நாடு நுகர்பொருள் வாணிபக் கிடங்கில் ரேஷன் அரிசியை ஒப்படைத்தார்கள். மேலும் இது குறித்து விசாரணை மேற்கொண்டு வருகின்றார்கள். இதுபோலவே வானம்பாடி அடுத்திருக்கும் ஜப்ராபாத் பகுதியில் துணை போலீஸ் சூப்பிரண்டு தலைமையிலான குழு ரோந்து பணியில் ஈடுபட்ட பொழுது ஒரு வீட்டின் திண்ணையில் 20 மூட்டைகளில் 1 டன் ரேஷன் அரிசி அடுக்கி வைக்கப்பட்டிருந்தது. போலீசார் ரேஷன் அரிசியை பறிமுதல் செய்தார்கள். மேலும் இது குறித்து மாவட்ட உணவு பொருள் குற்றபிரிவு போலீசார் வழக்கு பதிவு செய்து விசாரணை மேற்கொண்டு வருகின்றார்கள்.