சித்திரை மாத பௌர்ணமி தினமான நாளை வானில் இளஞ்சிவப்பு நிறத்தில் நிலவு தோன்றும் என்று தெரிவிக்கப்பட்டுள்ளது.
நாளை இரவு வானத்தில் இளஞ்சிவப்பு நிறத்தில் நிலவு தோன்றப் போவதாக தெரிவிக்கப்பட்டுள்ளது. மேலும் இந்த நிலவை இரவு முழுவதும் பார்க்க முடியாது என்றும் குறிப்பிட்ட நேரத்திற்கு மட்டும் அது இருக்கும் என தெரிவிக்கப்பட்டுள்ளது. நாளை நள்ளிரவு 12.25 மணிக்கு வெளிர் சிவப்பு நிறத்தில், நிலவு காட்சி அளிக்கப்பட உள்ளது.
பூமி, சூரியன், நிலவு என அனைத்தும் 180 டிகிரி கோட்டில் வரும்போது இது போன்ற நிகழ்வு நடைபெறும். நிலவின் சுற்றுப் பாதையானது பூமியின் சுற்றுப்பாதையிலிருந்து 5 டிகிரி வேறுபட்டு இருக்கும். இது பூமியின் வழக்கமான நிழலை காட்டிலும், நிலவின் நிழல் வேறுபட்டு தெரியும். இது போன்ற வேளையில் சூரியனின் கதிர்கள் பூமியை சந்திக்கும்போது ஒளிரச் செய்யும். இதனால் இந்த நிலவு பல வண்ணங்களில் காட்சி அளிக்கக் கூடும் என்று ஆராய்ச்சியாளர்கள் தெரிவிக்கின்றனர்.