“வாரிசு திரைப்படத்தில் இந்த நடிகை இல்லையா…?” என்னப்பா சொல்றீங்க….!!!!!

வாரிசு திரைப்படத்தில் குஷ்பூ நடிப்பதாக பரவி வந்த நிலையில் அதை மறுத்துள்ளார்.

வம்சி இயக்கத்தில் விஜய் நடிக்கும் தளபதி 66 படத்தின் தலைப்பு மற்றும் பர்ஸ்ட் லுக் போஸ்டர் அண்மையில் வெளியானது. இந்த படத்திற்கு ‘வாரிசு’ என தலைப்பு வைக்கப்பட்டுள்ளது. இந்த படத்தில் விஜய்க்கு ஜோடியாக ராஷ்மிகா மந்தனா நடிக்கிறார்.  சரத்குமார், பிரகாஷ்ராஜ், ஷியாம் உள்ளிட்டோர் முக்கிய கதாபாத்திரங்களில் நடித்துள்ளனர். இந்தப் படத்திற்கு தமன் இசையமைக்கிறார். தமிழ், தெலுங்கு என இரு மொழிகளில் உருவாகி வரும் இந்த படம் 2023 ஆம் ஆண்டு பொங்கலுக்கு வெளியாக உள்ளது என்று கூறப்பட்டுள்ளது.

இந்த படத்தை ஸ்ரீ வெங்கடேஸ்வரா கிரியேசன்ஸ் தயாரிக்கின்றது. அண்மையில் வெளியான படத்தின் போஸ்டர் ரசிகர்களிடையே நல்ல வரவேற்பு பெற்றது. அதிலும் விஜய் அமர்ந்திருக்கும் போஸ்டரில் உள்ள பைக்கானது ரசிகர்களை மிகவும் கவர்ந்தது. இந்த நிலையில் படத்தில் குஷ்பு நடிக்க இருப்பதாக பேசப்பட்டு வந்தது. இந்த நிலையில் குஷ்பூ இது குறித்து விளக்கம் அளித்துள்ளார். விஜய் படத்தில் தான் நடிப்பதாக வெளியான செய்தியை மறுத்திருக்கின்றார். வாரிசு திரைப்படத்தில் விஜய் மட்டுமல்லாமல் பிரபு, சரத்குமார் உள்ளிட்டோரையும் சந்திப்பதற்காகத்தான் படப்பிடிப்பு தளத்திற்கு சென்றதாகவும் அப்போது அவர்களுடன் எடுத்துக் கொண்ட புகைப்படம் வைரலானதால் விஜய் திரைப்படத்தில் தான் நடிப்பதாக செய்தி வெளியானது என குஷ்பூ தெரிவித்துள்ளார்.