வாரிசு படத்தை தொடர்ந்து மீண்டும் விஜய் படத்தை இயக்கும் தெலுங்கு நிறுவனம்… வெளியான தகவல்…!!!!!

தமிழ் சினிமா திரையுலகில் பிரபல நடிகர்களில் ஒருவரான தளபதி விஜய் தற்போது இயக்குனர் வம்சி இயக்கத்தில் வாரிசு திரைப்படத்தில் நடித்து வருகின்றார். மிகப்பெரிய எதிர்பார்ப்பை ஏற்படுத்தி உள்ள இந்த படத்தின் சூட்டிங் பணிகள் விறுவிறுப்பாக நடைபெற்றுக் கொண்டிருக்கிறது. பிரம்மாண்டமாக உருவாகியுள்ள இந்த படம் பொங்கலுக்கு ரிலீசாக இருக்கிறது. இந்த படத்தை தொடர்ந்து விஜய் இயக்குனர் லோகேஷ் கனகராஜ் இயக்கத்தில் அவரின் 67 ஆவது திரைப்படத்தில் நடிப்பார் என எதிர்பார்க்கப்படுகின்றது. 7 ஸ்கிரின் ஸ்டூடியோ நிறுவனம் தயாரிக்கும் இந்த படத்தின் அறிவிப்பு விரைவில் வரும் என கூறப்படுகின்றது.

இந்த நிலையில் தற்போது தளபதி 67 ஆவது படம் பற்றி அறிவிப்பு வெளியாகும் முன்னரே விஜயின் 68 வது படம் பற்றிய தகவல் வெளியாகி உள்ளது. அதாவது வாரிசு திரைப்படத்தை தொடர்ந்து மீண்டும் முன்னணி தெலுங்கு தயாரிப்பு நிறுவனம் விஜய் படத்தை தயாரிக்க இருப்பதாக தகவல்கள் வெளியாகி இருக்கிறது. அதன்படி புஷ்பா உள்ளிட்ட பிளாக்பஸ்டர் திரைப்படங்களை தயாரித்த மைத்ரி மூவி மேக்கர்ஸ் விஜய் அட்லி கூட்டணியில் உருவாகும் பிரம்மாண்ட திரைப்படத்தை தயாரிப்பதாக தகவல்கள் வெளியாகி உள்ளது.