வம்சி இயக்கத்தில் நடிகர் விஜய் நடித்துவரும் “வாரிசு” படம் தமிழ் மற்றும் தெலுங்கு மொழிகளில் நேரடியாக வெளியாக இருக்கிறது. இந்த படத்தில் விஜய்க்கு ஜோடியாக நடிகை ராஷ்மிகா மந்தனா நடிக்கிறார். அதுமட்டுமின்றி பிரகாஷ்ராஜ், சரத்குமார், குஷ்பூ, ஷாம், யோகி பாபு உட்பட பலர் முக்கியமான கதாபாத்திரத்தில் நடிக்கின்றனர்.
இத்திரைப்படத்தின் படப்பிடிப்பு மும்முரமாக நடந்து வருகிறது. இம்மாத இறுதிக்குள் இதன் முழு படப்பிடிப்பும் முடிவடைந்து விடும் என்று கூறப்படுகிறது. தீபாவளி தினத்தன்று “வாரிசு” படத்தின் போஸ்டரை வெளியிட்டு, சங்கராந்திக்கு திரைப்படம் வெளியாக இருப்பதாக படக்குழு அறிவித்து இருந்தது.
இந்த நிலையில் வாரிசு படத்தின் புது புகைப்படங்கள் இணையத்தளத்தில் வைரலாகி வருகிறது. கையில் கேமராவுடன் விஜய் மாஸாக நடந்து வருவது போன்ற புகைப்படம் ரசிகர்களை வெகுவாக கவர்ந்து இருக்கிறது. அத்துடன் 2011ஆம் வருடம் வெளியாகிய ஒரு தனியார் விளம்பர படத்தில் நடித்த போது இருந்த விஜய் ஒரு சிறிய மாற்றம்கூட இன்றி இப்போதும் அதே இளமையோடு இருப்பதாக பலரும் பதிவிட்டு வருகின்றனர். இந்த புகைப்படங்களானது பல பேரின் கவனத்தை ஈர்த்துள்ளது.
