வனவிலங்குகளை வேட்டையாட முயன்ற இரண்டு பேரை வனத்துறையினர் அதிரடியாக கைது செய்தனர்.
பெரம்பலூர் மாவட்டத்தில் உள்ள களரம்பட்டி கிராமத்தை ஒட்டி இருக்கும் வனப்பகுதியில் வனத்துறையினர் தீவிர ரோந்து பணியில் ஈடுபட்டுள்ளனர். அப்போது நாட்டு துப்பாக்கியுடன் சுற்றி திரிந்த இரண்டு பேரை வனத்துறையினர் சுற்றி வளைத்து விசாரணை நடத்தியுள்ளனர். அந்த விசாரணையில் அவர்கள் செஞ்சேரி பகுதியில் வசிக்கும் கலைச்செல்வன் மற்றும் ரமேஷ் என்பது தெரியவந்தது.
இவர்கள் உரிமம் இல்லாத நாட்டு துப்பாக்கியை வைத்துக்கொண்டு வனவிலங்குகளை வேட்டையாட முயன்றது தெரியவந்தது. இதனை அடுத்து கலைச்செல்வன் மற்றும் ரமேஷ் ஆகிய இருவரையும் வனதுறையினர் கைது செய்துள்ளனர். பின்னர் இருவரையும் நீதிமன்றத்தில் ஆஜர்படுத்தி சிறையில் அடைத்தனர்.