வீட்டில் திருடிய குற்றத்திற்காக 3 வாலிபர்களை காவல்துறையினர் கைது செய்துள்ளனர்.
மதுரை மாவட்டத்திலுள்ள பாலமேடு பகுதியில் சொர்ணவள்ளி என்பவர் வசித்துவருகிறார். கடந்த சில நாட்களுக்கு முன்பு சொர்ணவள்ளி வீட்டைப் பூட்டிவிட்டு வெளியே சென்ற சமயத்தில் மர்ம நபர்கள் உள்ளே புகுந்து பத்தாயிரம் ரூபாய் பணத்தை திருடி சென்றனர். இதுகுறித்து சொர்ணவள்ளி காவல் நிலையத்தில் புகார் அளித்துள்ளார்.
அந்த புகாரின் பேரில் வழக்குப்பதிவு செய்த காவல்துறையினர் நடத்திய விசாரணையில் அதே பகுதியில் வசிக்கும் விஜய், ரஞ்சித், கோபால் ஆகிய 3 பேரும் இணைந்து சொர்ணவள்ளியின் வீட்டில் திருடியது தெரியவந்துள்ளது. இதனை அடுத்து மூன்று பேரையும் காவல்துறையினர் கைது செய்து விசாரணை மேற்கொண்டு வருகின்றனர்.