சேலம் மாவட்டத்தில் நண்பர்களுடன் ஆற்றில் குளிக்க சென்ற வாலிபர் தண்ணீரில் மூழ்கி பரிதாபமாக உயிரிழந்த சம்பவம் சோகத்தை ஏற்படுத்தியுள்ளது.
சேலம் மாவட்டத்தில் சுந்தர்ராஜன் என்பவர் வசித்து வருகிறார். மேட்டூர் அனல் மின் நிலையத்தில் பணியாற்றி வரும் சுந்தர்ராஜன் தனது குடும்பத்தினருடன் வேலை காரணமாக மேட்டூர் அனல் நிலைய குடியிருப்பு பகுதியிலே தங்கி வேலை செய்து வருகிறார். இவருக்கு ஹரிஹரன் என்ற மகன் இருந்தான். இந்நிலையில் ஹரிஹரன் தமிழ் புத்தாண்டையொட்டி நண்பர்களுடன் ஒன்று சேர்ந்து விராளிக்காடு காவிரி ஆற்றில் குளிக்க சென்றுள்ளார்.
அப்போது ஆற்றின் ஆழமான பகுதிக்கு சென்றதால் தண்ணீரில் மூழ்கி பரிதாபமாக ஹரிஹரன் இறந்து விட்டார். இதனைப் பார்த்து அதிர்ச்சியடைந்த ஹரிஹரனின் நண்பர்கள் காவல் துறையினருக்கு தகவல் தெரிவித்துள்ளனர். இதுக்குறித்து தகவலறிந்த காவல் துறையினர் சம்பவ இடத்திற்கு விரைந்து சென்று ஹரிஹரனின் உடலை மீட்டு பிரேத பரிசோதனைக்காக மருத்துவமனைக்கு கொண்டு சென்றுள்ளனர். இந்த சம்பவம் குறித்து காவல் துறையினர் வழக்குப்பதிவு செய்து விசாரணை மேற்கொண்டு வருகின்றனர்.