சேலம் மாவட்டத்தில் சிறுமியை கடத்தி சென்ற வாலிபரை காவல் துறையினர் கைது செய்துள்ளனர்.
சேலம் மாவட்டத்திலுள்ள செம்மாண்டப்பட்டி ஏனாதி காலனியை சேர்ந்தவர் பிரகாஷ். இவர் அப்பகுதியிலுள்ள 17 வயது சிறுமியை ஆசை வார்த்தை கூறி கடத்தி சென்றுள்ளார். இதனால் அதிர்ச்சியடைந்த பெற்றோர்கள் ஓமலூர் மகளிர் காவல் நிலையத்தில் புகார் கொடுத்துள்ளனர். மேலும் தன் மகளை மீட்டுத் தரக்கோரி சென்னை ஐகோர்ட்டில் மனுத் தாக்கல் செய்துள்ளார்.
இதனையடுத்து கடந்த சில மாதங்களுக்கு முன்பு பிரகாஷ் கடத்திச் சென்ற சிறுமியை சொந்த ஊரில் கொண்டு வந்து விட்டு விட்டு அங்கிருந்து தப்பிச் சென்றுள்ளார். அந்த சிறுமியை மீட்டு காவல் துறையினர் பெற்றோரிடத்தில் ஒப்படைத்துள்ளனர். இதனை தொடர்ந்து தலை மறைவாக இருந்த பிரகாசை காவல் துறையினர் வலை வீசி தேடி வந்துள்ளனர். தற்போது ஒரு வருடத்திற்கு பினபு காவல் துறையினர் அவரை கைது செய்துள்ளனர்.