விக்னேஷ் சிவன் – நயன்தாரா இணைந்து ரவுடி பிக்சர்ஸ் சார்பில் தயாரித்துள்ள ‘கூழாங்கல்’ படத்தின் டிரைலர் வெளியாகியுள்ளது.
தமிழ் திரையுலகில் லேடி சூப்பர் ஸ்டாராக வலம் வரும் நடிகை நயன்தாராவும் பிரபல இயக்குனர் விக்னேஷ் சிவனும் கடந்த சில வருடங்களாக காதலித்து வருகின்றனர் . தற்போது நயன்தாரா, விக்னேஷ் சிவன் இயக்கத்தில் ‘காத்துவாக்குல ரெண்டு காதல்’ படத்தில் நடித்து வருகிறார் . சமீபத்தில் இயக்குனர் அருண்மாதேஸ்வரன் இயக்கிய ‘ராக்கி’ திரைப்படத்தின் தமிழக ரிலீஸ் உரிமையை விக்னேஷ் சிவன் மற்றும் நயன்தாராவின் ரவுடி பிக்சர்ஸ் நிறுவனம் கைப்பற்றியதை அதிகாரப்பூர்வமாக அறிவித்தனர் .
இதையடுத்து ரவுடி பிக்சர்ஸ் நிறுவனம் ‘கூழாங்கல்’ என்ற படத்தை ரிலீஸ் செய்ய உள்ளது. இயக்குனர் வினோத் ராஜ் இயக்கியுள்ள இந்த படத்தில் புதுமுக நடிகர்கள் ,நடிகைகள் நடித்துள்ளனர் . மேலும் யுவன் சங்கர்ராஜா இந்தப் படத்திற்கு இசையமைத்துள்ளார் . இந்த படம் அடுத்த ஆண்டு நடைபெற உள்ள சர்வதேச திரைப்பட விழாவிலும் கலந்து கொள்ள தேர்வு செய்யப்பட்டிருப்பதாக விக்னேஷ் சிவன் தெரிவித்துள்ளார் . இந்நிலையில் ‘கூலாங்கல்’ திரைப்படத்தின் டிரைலர் வெளியாகி ரசிகர்களை வெகுவாக கவர்ந்து வருகிறது .