விக்ரம் படத்தில் கமல்ஹாசன் கண் பார்வையற்றவராக நடிக்க இருப்பதாக தகவல் வெளியாகியுள்ளது.
தமிழ் திரையுலகில் மாநகரம், கைதி, மாஸ்டர் ஆகிய வெற்றிப் படங்களை இயக்கி பிரபலமடைந்தவர் லோகேஷ் கனகராஜ். அடுத்ததாக இவர் கமல்ஹாசனின் ‘விக்ரம்’ படத்தை இயக்குகிறார். மேலும் இந்த படத்தில் பகத் பாஸில், விஜய் சேதுபதி, நரேன் ஆகியோர் முக்கிய கதாபாத்திரங்களில் நடிக்கின்றனர். ராஜ்கமல் பிலிம்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். சமீபத்தில் இந்த படத்தின் பர்ஸ்ட் லுக் போஸ்டர் வெளியாகி ரசிகர்களை வெகுவாக கவர்ந்தது.
இந்நிலையில் இந்த படத்தில் நடிகர் கமல்ஹாசன் கண்பார்வையற்றவராக நடிக்க இருப்பதாக தகவல் வெளியாகியுள்ளது. ஏற்கனவே கடந்த 1981-ஆம் ஆண்டு வெளியான ராஜ பார்வை படத்தில் கமல்ஹாசன் கண் பார்வையற்றவராக நடித்திருந்தார் என்பது குறிப்பிடத்தக்கது. தற்போது 30 ஆண்டுகளுக்குப் பின் விக்ரம் படத்திற்காக இந்த சவாலான வேடத்தை கமல் ஏற்றுள்ளதாக கூறப்படுகிறது.