நடிகை நந்தினி லோகேஷ் கனகராஜுடன் இணைந்து எடுத்துக்கொண்ட புகைப்படம் வெளியாகியுள்ளது.
தமிழ் திரையுலகில் மாநகரம், கைதி, மாஸ்டர் ஆகிய சூப்பர் ஹிட் படங்களை இயக்கி பிரபலமடைந்தவர் லோகேஷ் கனகராஜ். தற்போது இவர் கமல்ஹாசன் கதாநாயகனாக நடிக்கும் விக்ரம் படத்தை இயக்கி வருகிறார். இந்த படத்தில் விஜய் சேதுபதி, பஹத் பாசில், நரேன், காளிதாஸ் ஜெயராம் ஆகியோர் முக்கிய கதாபாத்திரங்களில் நடிக்கின்றனர். ராஜ்கமல் பிலிம்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார்.
https://www.instagram.com/p/CTRewZpvg_h/?utm_source=ig_embed&ig_rid=e41ceea8-5107-4547-b44c-cf2136f1e276
மேலும் இந்த படத்தில் விஜய் சேதுபதிக்கு ஜோடியாக மைனா நந்தினி, வீஜே மகேஸ்வரி, பிக்பாஸ் பிரபலம் ஷிவானி நாராயணன் ஆகியோர் நடிக்க இருப்பதாக தகவல் வெளியானது. இந்நிலையில் நடிகை நந்தினி இயக்குனர் லோகேஷ் கனகராஜுடன் இணைந்து எடுத்துக்கொண்ட புகைப்படத்தை தனது சமூக வலைதளப் பக்கத்தில் வெளியிட்டுள்ளார். இதிலிருந்து அவர் விக்ரம் படத்தில் நடிப்பது உறுதி செய்யப்பட்டுள்ளது. தற்போது இந்த புகைப்படம் இணையத்தில் வைரலாகி வருகிறது.