இயக்குனர் முத்தையா இயக்கியுள்ள ‘புலிக்குத்தி பாண்டியன்’ திரைப்படம் ரிலீஸ் குறித்த தகவல் வெளியாகியுள்ளது.
தமிழ் திரையுலகில் முன்னணி இயக்குனராக வலம் வரும் முத்தையா இயக்கத்தில் குட்டிப்புலி ,கொம்பன்,கொடிவீரன் உள்ளிட்ட திரைப்படங்கள் வெளியானது. இந்த திரைப்படங்கள் ரசிகர்களிடையே நல்ல வரவேற்பை பெற்றது. இதையடுத்து இயக்குனர் முத்தையா தற்போது நடிகர் விக்ரம் பிரபு கதாநாயகனாக நடிக்கும் ‘புலிக்குத்தி பாண்டியன்’ திரைப்படத்தை இயக்கியுள்ளார். இந்த படத்தில் கதாநாயகியாக லட்சுமிமேனன் நடித்துள்ளார்.
இந்நிலையில் சன் பிக்சர்ஸ் தயாரிக்கும் இந்த திரைப்படத்தை வருகிற பொங்கலுக்கு நேரடியாக சன் டிவியில் ரிலீஸ் செய்ய திட்டமிட்டுள்ளதாக தகவல் வெளியாகியுள்ளது. இதேபோல் தீபாவளிக்கு இயக்குனர் சுந்தர் சி தயாரிப்பில் பத்ரி இயக்கிய ‘நாங்க ரொம்ப பிசி’ என்ற திரைப்படம் நேரடியாக சன் டிவியில் ரிலீஸ் செய்யப்பட்டது குறிப்பிடத்தக்கது.