தமிழ் சினிமாவில் ரஜினி கமலுக்கு அடுத்தபடியாக விஜய், அஜித்தை தான் ரசிகர்கள் பார்க்கின்றார்கள். இந்த இரண்டு நடிகர்களின் ரசிகர்களுக்கும் இடையே மோதல் ஏற்படுவது இயல்பான ஒன்று. தற்போது பொங்கலுக்கு வாரிசு மற்றும் துணிவு திரைப்படம் வெளியாவதால் அதிகமான மோதல் ஏற்பட்டு வருகின்றது. இதனிடையே வாரிசு திரைப்பட தயாரிப்பாளர் தில் ராஜு விஜய் தான் நம்பர் ஒன் ஹீரோ என கூறியது அஜித் ரசிகர்களிடையே மேலும் சலசலப்பை ஏற்படுத்தியது. இதனால் தற்போது சோசியல் மீடியாவில் யார் நம்பர் ஒன் நடிகர் என்பது ஹாட் டாபிக்காக இருக்கின்றது.
இந்த நிலையில் துணிவு, வாரிசு ஆகிய இரண்டு படங்களுக்கும் ஒரே அளவிலான திரையரங்குகள் ஒதுக்கப்படுகின்றன. அதற்கு எதிர்ப்பு தெரிவித்து விஜய்யின் வாரிசுக்கு கூடுதல் திரையரங்குகள் கேட்கிறார் தில் ராஜூ. இந்நிலையில் தியேட்டர்களில் அதிக வசூல் செய்பவர்களே நம்பர் 1 ஹீரோ என்று மீண்டும் பேசியுள்ளார்.