விஜய்யின் தளபதி 67 படத்தின் அப்டேட் வெளியாகியுள்ளது.
தமிழ் சினிமாவில் மாநகரம், கைதி, மாஸ்டர், விக்ரம் ஆகிய படங்களை இயக்கி தனக்கென்று ஓர் இடத்தை பிடித்தவர் லோகேஷ் கனகராஜ். இவர் இயக்கத்தில் உருவாகி ஜூன் 3ஆம் தேதி வெளியான விக்ரம் திரைப்படம் ரசிகர்கள் மத்தியில் நல்ல வரவேற்பை பெற்றது. இதனையடுத்து இயக்குனர் லோகேஷ் கனகராஜ் விஜய் நடிக்கும் 67வது படத்தை இயக்க உள்ளார். மாஸ்டர் படத்தின் வெற்றிக்கு பிறகு தளபதி 67 இந்த கூட்டணி மீண்டும் இணைந்துள்ளது. அறிவிப்பு இதுவரை வெளியாகவில்லை. விரைவில் வெளியாகும் என ரசிகர்கள் ஆவலுடன் எதிர்பார்த்து காத்துக் கொண்டிருக்கிறார்கள்.
இந்த நிலையில் இத்திரைப்படம் குறித்த தகவல் ஒன்று சமூக வலைதளத்தில் கசிந்துள்ளது. அது என்னவென்றால் இத்திரைப்படத்தில் ஒரு பாடல் கூட இல்லையாம். இத்திரைப்படம் முழுக்க முழுக்க ஒரு ஆக்சன் பிளாக்காம். மேலும் இத்திரைப்படத்தில் திரிஷாவும் சமந்தாவும் முக்கிய வேடத்தில் நடிக்கின்றார்களாம். மேலும் ஆறு வில்லன்கள் இத்திரைப்படத்தில் நடிக்க இருப்பதாக சொல்லப்படுகின்றது. வாரிசு திரைப்படத்தின் படப்பிடிப்பு நிறைவு பெற்ற பிறகு இத்திரைப்படம் குறித்து அதிகாரப்பூர்வ அறிவிப்பு வெளியாகும் என தெரிகின்றது.