நடிகர் விஜய் நடிப்பில் உருவாகி வரும் பீஸ்ட் படத்தின் அடுத்த அப்டேட்டை வெளியிட படக்குழு தயாராகி வருவதாக தகவல் வெளியாகியுள்ளது .
தமிழ் திரையுலகில் முன்னணி கதாநாயகனாக வலம் வரும் விஜய் நடிப்பில் உருவாகி வரும் திரைப்படம் பீஸ்ட். இயக்குனர் நெல்சன் திலீப்குமார் இயக்கும் இந்த படத்தில் பூஜா ஹெக்டே கதாநாயகியாக நடிக்கிறார். மேலும் அபர்ணா தாஸ், விடிவி கணேஷ், யோகி பாபு உள்ளிட்ட பலர் முக்கிய கதாபாத்திரங்களில் நடிக்கின்றனர். சன் பிக்சர்ஸ் நிறுவனம் தயாரிக்கும் இந்த படத்திற்கு அனிருத் இசையமைக்கிறார். இந்த படத்தின் முதல்கட்ட படப்பிடிப்பு ஜார்ஜியாவில் நடைபெற்று முடிந்தது. தற்போது சென்னையில் இரண்டாம் கட்ட படப்பிடிப்பு விறுவிறுப்பாக நடைபெற்று வருகிறது.
நடிகர் விஜய்யின் பிறந்தநாளை முன்னிட்டு பீஸ்ட் படத்தின் பர்ஸ்ட் லுக் மற்றும் செகண்ட் லுக் போஸ்டர்களை படக்குழு வெளியிட்டிருந்தது. இந்நிலையில் பீஸ்ட் படத்தின் அடுத்த அப்டேட்டை வெளியிட படக்குழு தயாராகி வருவதாக தகவல் வெளியாகியுள்ளது. அதன்படி இந்த படத்தில் வில்லனாக நடிக்கும் நடிகர் குறித்த அறிவிப்பை விரைவில் வெளியிட உள்ளதாக கூறப்படுகிறது. இதனால் இந்த படத்தில் வில்லனாக நடிப்பது யார்? என்ற எதிர்பார்ப்பு ரசிகர்களிடையே அதிகரித்துள்ளது.