பிரபல நடிகரும் இயக்குனருமான விஜய் ஆன்டனி படத்தில் அவருக்கு ஜோடியாக மூன்று கதாநாயகிகள் நடிக்க உள்ளதாக தகவல் கிடைத்துள்ளது.
பிரபல நடிகர் சிவா நடிப்பில் வெளிவந்த திரைப்படம் “தமிழ் படம்”. இதன் மூலம் பிரபலமானவர் இயக்குனர் அமுதன். இவர் தற்போது புதிய படம் ஒன்றை தயாரித்து வருவதாக தகவல் வெளியாகியுள்ளது. மேலும் அந்த படத்திற்கு “ரத்தம்” என்று பெயர் சூட்டப்பட்டுள்ளது. இந்த படத்தில் ஹீரோவாக விஜய் ஆண்டனி நடிக்கயுள்ளார். இப்படத்தில் கதாநாயகியாக மகிமா நம்பியார், ரம்யா நம்பீசன், நந்திதா ஸ்வேதா ஆகியோர் நடிப்பதாக தகவல் வெளியாகியுள்ளது.
அரசியலை மையமாகக் கொண்டு திகில் படமாக எடுக்கவுள்ளதாக கூறப்படுகிறது. சமீபத்தில் இப்படத்தின் பிரஸ்ட் லுக்கை படக்குழுவினர் வெளியிட்டனர். இன்பினிடி பிலிம் ஸ்பென்சர்ஸ் இயக்கிவரும் இந்த திரைப்படம் 40% முடிந்துள்ளதாக தெரிவித்தனர். மேலும் இவர்களுடன் இணைந்து “மழை பிடிக்காத மனிதன்” மற்றும் “கொலை” போன்ற படங்களில் விஜய் ஆண்டனி நடிக்க உள்ளதாக தகவல் வெளியாகியுள்ளது.