விஜய் சேதுபதி, டாப்ஸி இணைந்து நடித்துள்ள அனபெல் சேதுபதி படத்தின் முதல் பாடல் வெளியாகியுள்ளது.
தமிழ் திரையுலகில் முன்னணி நடிகராக வலம் வரும் விஜய் சேதுபதி தற்போது காத்துவாக்குல ரெண்டு காதல், விடுதலை, விக்ரம், காந்தி டாக்ஸ் உள்பட பல படங்களில் பிஸியாக நடித்து வருகிறார். மேலும் இவர் நடிப்பில் உருவாகியுள்ள துக்ளக் தர்பார், அனபெல் சேதுபதி, கடைசி விவசாயி, லாபம், மாமனிதன் ஆகிய படங்கள் ரிலீஸுக்கு தயாராகி வருகிறது. இதில் தீபக் சுந்தர்ராஜன் இயக்கத்தில் விஜய் சேதுபதி நடித்துள்ள அனபெல் சேதுபதி படம் வருகிற செப்டம்பர் 17-ஆம் தேதி நேரடியாக டிஸ்னி பிளஸ் ஹாட்ஸ்டாரில் வெளியாகவுள்ளது.
ஹாரர் காமெடி கதையம்சம் கொண்ட இந்த படத்தில் டாப்ஸி, யோகி பாபு, ராதிகா சரத்குமார், ஜெகபதி பாபு, தேவதர்ஷினி உள்ளிட்ட பலர் நடித்துள்ளனர். இந்நிலையில் அனபெல் சேதுபதி படத்தின் முதல் பாடலான ‘கோஸ்ட் பார்ட்டி’ பாடலின் லிரிக் வீடியோ வெளியாகியுள்ளது. கலக்கலான இந்த பாடல் தற்போது இணையத்தில் வைரலாகி வருகிறது.