விஜய் சேதுபதி- நித்யா மேனன் கூட்டணியில் உருவாகியுள்ள படத்தின் அப்டேட் வெளியாகி உள்ளது.
தமிழ் சினிமாவில் முன்னணி நடிகராக வலம் வரும் விஜய் சேதுபதி கடந்த 2019ஆம் ஆண்டு மலையாளத்தில் வெளியான ‘மார்க்கோனி மத்தாய்’ என்ற திரைப்படத்தின் மூலம் மலையாள திரையுலகிற்கு அறிமுகமானார். இதை தொடர்ந்து அவருக்கு மலையாளத்திலும் பல படங்களில் நடிக்க வாய்ப்புகள் குவிந்து வருகிறது.
அந்த வகையில் இந்து.வி.எஸ் இயக்கத்தில் உருவாகி வரும் ’19 (1)(a)’ என்ற திரைப்படத்தில் விஜய் சேதுபதி நடித்து உள்ளார். நித்யா மேனன் கதாநாயகியாக நடித்துள்ள இப்படத்தில் விஜய் சேதுபதி ஒரு எழுத்தாளராக நடித்துள்ளார். மேலும் இத்திரைப்படத்தினை ஓடிடி தளத்தில் வெளியிட படக்குழு முடிவு செய்தது.
அதன்படி டிஸ்னி ஹாட்ஸ்டாரில் நேரடியாக வெளியாகும் என அறிவிக்கப்பட்டிருந்தது. இந்நிலையில் படத்தின் ரிலீஸ் தேதி குறித்து அறிவிப்பு வெளியாகி உள்ளது. இத்திரைப்படம் வரும் ஜூலை 29-ஆம் தேதி வெளியாக உள்ளதாக அறிவிக்கப்பட்டிருக்கிறது.