தளபதி 66 படத்தில் விஜய்க்கு அண்ணனாக மைக் மோகனுக்கு பதிலாக ஷாம் நடிக்க இருப்பதாக தகவல் வெளியாகியுள்ளது.
தமிழ் சினிமா உலகில் உச்ச நட்சத்திரமாக வலம் வருபவர் விஜய். இவர் நடிப்பில் நெல்சன் இயக்கத்தில் அண்மையில் வெளியான திரைப்படம் பீஸ்ட். இத்திரைப்படத்தை தொடர்ந்து தற்போது தளபதி 66 படத்தில் விஜய் நடிக்கின்றார். இந்தப் படத்தை வம்சி பைடிபல்லி இயக்குகின்றார். ஸ்ரீ வெங்கடேஸ்வரா கிரியேஷன்ஸ் தயாரிக்கின்றது.
சில தினங்களுக்கு முன்பாக படப்பிடிப்பு பூஜையுடன் தொடங்கப்பட்டது. இந்த படத்துக்கு கதாநாயகியாக ராஷ்மிகா மந்தனா நடிக்கின்றார். இந்த படத்தில் விஜய்க்கு அண்ணனாக மைக் மோகன் நடிப்பதாக இணையத்தில் தகவல் பரவி வந்த நிலையில் அவர் மறுத்துள்ளார். தமிழ் சினிமாவில் ஹீரோவாக மட்டுமே நடிக்க முடிவு செய்து இருப்பதாக கூறியிருந்தார். இந்த நிலையில் விஜய்க்கு அண்ணனாக மைக்மோகனுக்கு பதிலாக நடிகர் ஷாம் நடிக்க இருப்பதாக செய்தி வெளியாகி உள்ளன.