தளபதி விஜய் நடிப்பில் அடுத்ததாக மிகப் பெரிய பட்ஜெட்டில் உருவாக இருக்கும் படம் “தளபதி 67”. இந்த படத்திற்கு அனிருத் இசையமைக்கிறார். லோகேஷ் கனகராஜ் இயக்கும் இப்படத்தின் பூஜையானது இன்று நடைபெற்றுள்ளது. அதாவது சென்னையிலுள்ள பிரபல ஏவிஎம் ஸ்டூடியோவில் வைத்து இத்திரைப்படத்தின் பூஜை நடைபெற்றது.
இந்நிலையில் எடுக்கப்படும் புகைப்படங்கள் மற்றும் வீடியோ தயாரிப்பாளர் 7 ஸ்க்ரீன் நிறுவனம் அதிகாரப்பூர்வமாக வெளியிடுவார்கள் என தகவல் வெளியாகி இருக்கிறது. இதுவரையிலும் எந்தெந்த நட்சத்திரங்கள் இந்த படத்தின் பூஜையில் பங்கேற்றுள்ளனர் என்று தெரியவில்லை.
இந்த படத்தின் போட்டோஷூட் நாளை டிச..6 நடைபெறுகிறது. இதையடுத்து டிச..7-9 வரை இந்த படத்தின் அறிவிப்பு டீசரின் படப்பிடிப்பு நடக்கும் என தெரிவிக்கின்றனர். விக்ரம் பாணியில் இந்த படத்தின் அறிவிப்பு வீடியோ வெளியாகும் என்பதால் அதனை காண விஜய் ரசிகர்கள் ஆர்வத்துடன் காத்திருக்கிறார்கள்.