டிரைக்டர் வம்சி இயக்கத்தில் நடிகர் விஜய் நடித்து வரக்கூடிய “வாரிசு” படம் தமிழ், தெலுங்கு ஆகிய மொழிகளில் நேரடியாக வெளியாக இருக்கிறது. இந்த படத்தில் விஜய்க்கு ஜோடியாக நடிகை ராஷ்மிகா மந்தனா நடிக்கிறார். அத்துடன் பிரகாஷ்ராஜ், சரத்குமார், குஷ்பூ, ஷாம், யோகிபாபு உட்பட பலர் முக்கிய கதாபாத்திரத்தில் நடித்து இருகின்றனர். இத்திரைப்படத்தின் படப் பிடிப்பு மும்முரமாக நடந்து வருகிறது. தீபாவளி தினத்தன்று “வாரிசு” படத்தின் போஸ்டரை வெளியிட்டு, சங்கராந்திக்கு திரைப்படம் வெளியாக இருப்பதாக படக்குழு அறிவித்திருந்தது.
அதன்பின் இப்படத்தின் சூட்டிங்போது எடுக்கப்பட்ட புகைப்படங்களை படக்குழு வெளியிட்டு ரசிகர்களை கவர்ந்தது. இந்த படத்தின் முதல் பாடலான “ரஞ்சிதமே” பாடலை நேற்று முன்தினம் (05.11.2022) மாலை 5.30 மணிக்கு படக்குழு வெளியிட்டு இருந்தது. அதாவது, விஜய், எம்.எம்.மானசி ஆகியோர் குரலில் விவேக் வரிகளில் வெளியாகிய இந்த பாடல் துள்ளல் இசையோடு ரசிகர்களை கவர்ந்து ஹிட் அடித்தது. இந்த நிலையில் இப்பாடல் 15 மில்லியன் பார்வையாளர்களை கடந்து யூட்டியூப்பில் முதல் இடத்தை தக்கவைத்து இருப்பதாக படக்குழு போஸ்டர் வெளியிட்டு அறிவித்து உள்ளது. இதை ரசிகர்கள் பலரும் சமூகவலைதளத்தில் வைரலாக்கி வருகின்றனர்.