விஜய் இப்போது வம்சி இயக்கத்தில் வாரிசு திரைப்படத்தில் நடித்து வருகிறார். இவற்றில் விஜய்க்கு ஜோடியாக ராஷ்மிகா மந்தனா நடித்து வருகிறார். இப்படத்திற்கு பின் விஜய் நடிக்கக்கூடிய 67-வது திரைப்படத்தை லோகேஷ் கனகராஜ் இயக்க இருக்கிறார் என்பது குறிப்பிடத்தக்கது. இதற்குரிய பணிகளில் அவர் தீவிரமாக ஈடுபட்டு வருகிறார். முன்பே இவர்களது கூட்டணியில் வெளியான மாஸ்டர் திரைப்படத்திற்கு நல்ல வரவேற்பு கிடைத்தது.
தளபதி 67 திரைப்படத்தில் விஜய்-க்கு 50 வயது தாதா கதாபாத்திரம் எனவும் அவருக்கு வில்லன்களாக 6 முன்னணி நடிகர்கள் நடிக்கவுள்ளதாகவும் கூறப்படுகிறது. இப்படம் ரசிகர்கள் மத்தியில் நாளுக்குநாள் எதிர்பார்ப்பை அதிகப்படுத்திக் கொண்டே வருகிறது. இந்த நிலையில் இத்திரைப்படம் பற்றி புது தகவல் ஒன்று வெளியாகியுள்ளது. அந்த வகையில் தளபதி 67 திரைப்படத்தின் அறிவிப்பை வருகிற தீபாவளியன்று படக் குழு வெளியிட திட்டமிட்டுள்ளதாக சினிமா வட்டாரங்கள் தெரிவிக்கிறது. இது ரசிகர்கள் இடையே உற்சாகத்தை ஏற்படுத்தியுள்ளது.