தமிழகத்தில் நேற்று ஒரே நாளில் 810 குழந்தைகள் கொரோனாவால் பாதிக்கப்பட்டுள்ளனர் என சுகாதாரத்துறை தகவல் வெளியிட்டுள்ளது.
கடந்த 2019 ஆம் ஆண்டு டிசம்பர் மாதம் சீனாவில் வுகான் நகரில் தோன்றிய கொரோனா வைரஸ் தொற்று உலக நாடு முழுவதிலும் பரவி ஏராளமான பாதிப்பை ஏற்படுத்தி வருகிறது. இந்நிலையில் இந்தியாவில் கடந்த சில வாரங்களாக கொரோனா கோரத்தாண்டவம் ஆடி வருகிறது. மேலும் ஒரு நாள் பாதிப்பு எண்ணிக்கை நான்கு லட்சத்திற்கும் அதிகமாக அதிகரித்து வருவதால் ஆக்சிஜன் தட்டுப்பாடு, மருந்து தட்டுப்பாடு போன்ற பல பிரச்சினைகள் ஏற்பட்டுள்ளன.
இந்நிலையில் தமிழகத்தில் நேற்று ஒரே நாளில் 810 குழந்தைகள் கொரோனாவால் பாதிக்கப்பட்டுள்ளனர் என்றும் இந்த குழந்தைகள் 12 வயதிற்குட்பட்டவர்கள் என்றும் தமிழகத் துறை சுகாதாரத்துறை அறிவித்துள்ளது. மேலும் கடந்த 24 மணிநேரத்தில் 24,898 பேர் புதிதாக பாதிக்கப்பட்டுள்ளனர் என்றும் இதுவரை தமிழகத்தில் மொத்தம் 12,97,500 பாதிக்கப்பட்டுள்ளனர் எனவும் தெரிவித்துள்ளனர்.