பெட்ரோலிய துறை அமைச்சர் சென்று கொண்டிருந்த வாகனம் விபத்துக்குள்ளான சம்பவம் பரபரப்பை ஏற்படுத்தியுள்ளது.
போபால் மத்திய பிரதேச மாநிலத்தின் சட்டப்பேரவை தொகுதிக்குட்பட்ட பக்சா என்ற கிராமத்தில் நிகழ்ச்சி ஒன்று நடைபெற்றுள்ளது. இதில் பங்கேற்பதற்காக பெட்ரோலியத் துறை அமைச்சர் தர்மேந்திர பிரதான் சென்றுள்ளார். மேலும் அவரை பின்தொடர்ந்து பல வாகனங்கள் சென்று கொண்டிருந்துள்ளது. அப்போது திடீரென அமைச்சரின் வாகனம் நிறுத்தப்பட்டுள்ளது.
இதனால் அவரை பின் தொடர்ந்து வந்து கொண்டிருந்த வாகனங்கள் அனைத்தும் ஒன்றன்பின் ஒன்று மோதி விபத்து ஏற்பட்டுள்ளது. இந்த விபத்தில் அம்லா சட்டப்பேரவைத் தொகுதியின் உறுப்பினருடைய உதவியாளரான அர்பன் திரிவேதி என்பவருக்கு உடலில் சிறு காயங்கள் ஏற்பட்டுள்ளது. ஆனால் இதில் அமைச்சருக்கு எந்தவித பாதிப்புகளும் ஏற்படவில்லை என்று கூறப்பட்டுள்ளது.